Verset du mois d'avril 2012

« La femme de Lot regarda en arrière  et elle devint une statue de sel. » 

(Genèse 19:26 ) Bible Louis Segond

 ........................................................................................................................................

« Madan Lo vire gade dèyè, la menm  li tounen yon gwo estati sèl.» 

(Jenèz 19:26 ) Bible Société Biblique Haitïene

.........................................................................................................................................

Èske w konsantre w sou demen

oubyen sou sa ki fin pase ?

Kèlkeswa  jan yè te ye pou ou, si se sou li ou konsantre w, ou p’ap kontinye avanse. Paske : 1⁰) si li te bon pou ou, ou pral kontanple li san w pa fè jefò pou  w reyalize pi plis ; 2⁰) si li pa te bon pou ou, ou ka kite li dekouraje  w epi panse pa gen lespwa pou ou ankò (Filipyen 3:13-14 ; Jenèz 19 :26).
    
Ou gen lè vle vire gade  dèyè ? Kisa  w sonje konsa? Plezi ? Avantaj-fo-mamit ki dire yon ti bout tan ? Relasyon ? Moun ki vle antre nan Wayòm BONDYE  a pa dwe vire gade dèyè; se devan yo dwe gade (Lik 9:62). Lè w fin pran yon desisyon pou w pwogrese, pa nan gad dèyè.

Lè w ap mache epi w ap vire gade dèyè, ou ka frape tèt ou nan yon mi oswa nan nenpòt ki obstak. Ou pa ka konsantre w sou de (2) bagay  an  menm tan. Ou pa ka sèvi de (2) mèt an menm tan. Ou pa ka fè BONDYE plezi  si  w pa vle obeyi  Li menm nan moman w pa konprann pou kisa . Lè BONDYE pale avè w, se pou w di AMÈN !!!
Chant du mois: # 78 Kè Kreyòl Chants d'Espérance (Mwen te deside / Pou m suiv Leseyè / Mwen p'ap tounen)

2012: Ane Pou Nou Konsantre Nou Sou Travay Pa Nou.

J. Jonas LOUISAIRE

Motivateur

.........................................................

Si vèsè sa a te yon benediksyon pou ou, 

pataje temwayaj la

Voye yon SMS Tel. : 5093-8159746

Boîte Postale 11060, Carrefour, Haïti (W.I.)

www.motivationbiblique.blogspot.com

Verset du mois de mars 2012

« Celui qui est fidèle dans les moindres choses l’est aussi dans les grandes, et celui qui est injuste dans les moindres choses l’est aussi dans les grandes. »  

(Luc 16:10) Bible Louis Segond
...........................................................................................................................................

 « Moun ki kenbe pawòl li nan tout ti bagay, l’a kenbe l nan gwo bagay tou. Men, moun ki pa serye nan ti bagay, li p’ap serye nan gwo bagay nonplis. » 

 (Lik 16:10) Bible Société Biblique Haitïenne

 ..........................................................................................................................................

 Èske w se yon moun yo ka fè konfyans ? 

 Ou pa janm tande moun ki di w « sa pa anyen monchè !», « degaje pa peche», « se ou k’ pi bon ? » ? Ou pa janm jwenn moun ki kwè nan « bay ti manti » , « se nòmal pou w defann tèt ou »? Pafwa yo menm pran yon vèsè yo mal entèprete (Eklezyas 7 :16-17) pou yo defann tèt yo. (Li : 1 Tim 4:6 ; Jak 5:12 ; Filipyen 2:4, 21) 

Men, kesyon nou dwe poze tèt nou se : Eske yo ka fè nou konfyans ? Nan kòmantè yo fè nan Bib NIV (Zondervan NIV Study Bible, 2002, p.1604), yo di: “ Yo pa mezire fidelite dapre kantite yo konfye yon moun, men dapre karaktè moun k’ap itilize bagay la.” 

 Fè yon ti panse sou sa epi reponn kesyon sa yo: Eske w fidèl nan travay BONDYE a, nan travay w ap fè, nan responsablite w genyen, nan jan w ap jere lavi w ? Eske w toujou bezwen yon sipèvizè? Eske w gen pèseverans nan travay ou ? (Lik 16:10-12)  

Sonje byen : BONDYE va ba moun ki fidèl nan byen jere ti bout vi yo gen sou tè sa a yon lavi ki p’ap janm fini.

Chant du mois: # 194 français Chants d'Espérance (Jésus te confie / une oeuvre d'amour)

2012: Ane Pou Nou Konsantre Nou Sou Travay Pa Nou.

J. Jonas LOUISAIRE

Si vèsè sa a te yon benediksyon pou ou, 
pataje temwayaj la

Voye yon SMS Tel. : 5093-8159746

Boîte Postale 11060, Carrefour, Haïti (W.I.)

www.motivationbiblique.blogspot.com

Verset du mois de fevrier 2012

« Celui qui cultive son champ est rassasié de pain, Mais celui qui poursuit des choses vaines est rassasié de pauvreté.»             
                                     (Proverbes 28:19) Bible Louis Segond

...........................................................................................................................................

«Yon moun ki travay di nan jaden l ap jwenn kont manje pou l manje. Men, moun k’ap fè bagay ki p’ap sèvi anyen ap toujou pòv. » 
                             (Pwovèb 28:19) Bible Société Biblique Haitienne
 ............................................................................................................................................................................

Èske w konsantre w sou travay pa w ?

       Poukisa yon moun bezwen gen yon jaden si li p’ap travay ladan li ? Si li p’ap travay li, poukisa li pa bay yon lòt moun travay li pou li ? Yo te ka separe rekòt la, pa vre ?

       Men, BONDYE  konfye chak moun jaden pa yo (1 Kor 12; 1 Kor 7 :7). Ou pa ka bay yon lòt moun travay jaden pa w la pou ou. Pòl te konnen kisa ki travay pa li. Li pa t’ kite travay pa li a san fèt pou li eseye fè sa ki pa travay pa li (1Kor 1 :17). Yon bon egzanp, pa vre ?

Lavi w tou se yon jaden. Ou panse yon lòt moun pral  aksepte viv lavi w pou ou ?

       Jaden pa vle rete san yo pa travay yo. Si nou pa plante bon fwi, move zèb ap anvayi  yo nèt. Epi tou, se nan aprann jere ti jaden pou nou ka konn kòman pou nou jere gwo jaden (Lik 19 :27 ; Lik 16 :1-15).

       Lè w travay  jaden pa w, fwi travay la ap itil  ou epi l’ap itil  lòt moun tou. Paske nou tout p’ap plante menm fwi nan jaden nou. Men, nou ka benefisye travay lòt moun, manje fwi ki soti nan jaden yo (1 Pyè 4:10). Pou sa fèt, chak moun dwe konsantre yo sou jaden pa yo, pa vre? 

Chant du mois: # 38 français Echos des Elus (Je vous envoie travailler sans relache)

2012: Ane Pou Nou Konsantre Nou Sou Travay Pa Nou.

J. Jonas LOUISAIRE

Si vèsè sa a te yon benediksyon pou ou, pataje temwayaj la

Voye yon SMS Tel. : 5093-8159746

Boîte Postale 11060, Carrefour, Haïti (W.I.)

www.motivationbiblique.blogspot.com

Verset du mois de décembre 2011

« Si tu cours avec des piétons et qu’ils te fatiguent, Comment pourras-tu lutter avec des chevaux? Et si tu ne te crois en sûreté que dans une contrée paisible, Que feras-tu sur les rives orgueilleuses du Jourdain ? »

                                         (Jérémie 12:5) Bible Louis Segond

 ......................................................................................................................................

« Si ou pèdi souf lè w ap kouri ak moun, ki jan ou ka fè kouri ak chwal? Si kè ou pa poze lè tout bagay ap mache byen, si se lè peyi a pa an danje ou gen kè poze, kisa w a fè lè larivyè Jouden an ap desann? »     

                                 (Jeremi 12:5) Bible Société Biblique Haïtienne

........................................................................................................................................

                                         Ki kantite kouray ou genyen ? 

Pafwa  nan lavi, nou konn ap travèse kèk  moman ki pouse nou poze anpil kesyon : nou poze tèt nou kesyon, nou poze lòt moun kesyon, e nou menm rive poze BONDYE kesyon. 

Ou kwè se sitiyasyon an ki dwe chanje, pa vre? Men, kisa  w ap fè si sitiyasyon an ta  vin pi mal ? Èske w ap toujou kenbe lafwa ? (Li 1 Pyè  5 :9; 2 Tim 3:2; Women 8 :35-39; 1 Pyè 4 : 12-14). 

Ou vle grandi ? Ou vle vin pi djanm ? Enben, poukisa w ap kouri pou obstak, difikilte ak traka ki vini pou ede w pran matirite? Si w pa ka travèse etap ou ye a, kòman w ap fè pase nan yon nivo ki pi wo ? 

Batay la poko fini. Toutan w vivan, fè jefò pou w avanse paske gen lòt nivo toujou. Fòk  ou ka di yon lè menm jan ak apot Pòl : « Mwen te goumen byen goumen. Mwen fini kous la. Mwen te kenbe lafwa. » (Li 2 Kor 4:8 ; 2 Tim 4:7)

Chant du mois: # 141 français Chants d’Esp. (A Jésus je m'abandonne)

2011: Ane Pou Nou Disipline Tèt Nou.

J. Jonas LOUISAIRE

Si vèsè sa a te yon benediksyon pou ou, pataje temwayaj la

Voye yon SMS Tel. : 5093-8159746

Boîte Postale 11060, Carrefour, Haïti (W.I.)

www.motivationbiblique.blogspot.com

Verset du mois d’août 2011

« S’il a émoussé le fer, et s’il n’en a pas aiguisé le tranchant, il devra redoubler de force; mais la sagesse a l’avantage du succès.» 

                    (Ecclésiaste 10:10) Bible Louis Segond

 ..................................................................................................

« Si dan rach ou pa koupe, si ou pa file l, ou gen pou travay pi rèd lè w’ap sèvi avè l. Men bon konprann ap fè ou reyisi nan sa w’ap fè. » 

              (Eklezyas 10:10) Bible Société Biblique Haïtienne

 ..................................................................................................

Èske w file rach ou ?

        Yon rach se yon zouti yo itilize pou koupe bwa. Lè li byen file, ou koupe  bwa pi vit epi ak plis fasilite; ou fè yon travay ki gen pi bon kalite. Men, e si rach la pa byen file? Si li pa byen file, ou depanse enèji ou pa t’ bezwen depanse, enèji ou te ka itilize pou fè plis travay. “Si rach ou pa file, ou gen pou travay pi rèd lè w’ap sèvi avè l ” (Eklezyas 10:10).

        Èske w konn ki zouti ou bezwen pou w fè travay ou gen pou w fè a avèk  efikasite ? Èske w file yo chak  jou pou yo ka bay yon pi bon travay ? (2 Tim 1:6 ; 1 Tesalonisyen 4:1)

        Gen yon pyebwa  an Azi yo rele banbou  jeyan*. Moun ki  vle kiltive pyebwa sa a oblije wouze  epi ba grenn nan angrè chak  jou pandan kat (4) lane  anvan li pete tè a – sitèlman grenn sa a di. Sou senkyèm ane a, pyebwa a parèt. Men yon fwa li fin parèt anlè tè a, li ka grandi rapid konsa: soti 4 pye nan yon sèl jounen pou rive nan yon wotè 90 pye nan mwens pase yon mwa. (*Les Brown, in Live Your Dream, pp.220-1)

        Èske w vle grandi toujou? Èske w pran tan pou w file zouti w, wouze, mete angrè…prepare w chak  jou ? Sa mande disiplin, pa vre ?

Chant du mois: # 328 français Chants d’Esp. (Chaque jour de ma vie)

2011: Ane Pou Nou Disipline Tèt Nou.

J. Jonas LOUISAIRE

Si vèsè sa a te yon benediksyon pou ou, pataje temwayaj la

Voye yon SMS Tel. : 5093-8159746

Boîte Postale 11060, Carrefour, Haïti (W.I.)

www.motivationbiblique.blogspot.com

Verset du mois de juillet 2011

« Jésus leur adressa une parabole, pour montrer qu’il faut toujours prier, et ne point se relâcher. »   

                             (Luc 18:1) Bible Louis Segond

 ...............................................................................................

« Jezi rakonte yo parabòl sa a pou l te montre yo nesesite pou yo toujou priye san yo pa janm dekouraje. » 

                   (Lik 18:1) Bible Société Biblique Haïtienne

 ...............................................................................................

Nesesite pou nou toujou priye

       Konbyen fwa w ka priye pou yon menm bagay ? 2 fwa ? 3 fwa ? 5 fwa ? Epi, kan w wè repons poko vini, ou bay vag, pa vre ? Kilè w ap sispann bay vag ? Lè w mouri ?

       JEZI, ki se modèl  nou, di nou : “Se yon nesesite pou nou toujou priye san nou PA JANM DEKOURAJE”(Lik 18:1). Nan jaden Jetsemane a, JEZI priye plizyè fwa pou menm bagay la jiskaske Papa a reponn li (Mak 14 :32-41). [Pafwa] apot Pòl  tou te konn priye  plizyè fwa anvan li jwenn yon repons nan men BONDYE (2 Korentyen 12:7-9).

       Menm nan Ansyen Testaman an, sèvitè BONDYE  te konn priye  jiskaske yo jwenn yon repons. Men kèk  egzanp : Eli (1 Wa 18:41-46) ; Án (1 Samyèl 1) ; Danyèl (Danyèl 9).

       Si JEZI ak  tout sèvitè sa yo te aksepte priye jiskaske BONDYE reponn yo, e ou menm ? Poukisa w pa fè menm jan avè yo ? Kontrèman a sa anpil moun ta panse, priye  jiskaske BONDYE reponn ou se yon siy ki montre w gen lafwa (Lik 18:6-8). Epi sa mnde disiplin, pa vre?

Chant du mois: # 157 français Chants d'Espérance (Veille au matin)

2011: Ane Pou Nou Disipline Tèt Nou.

J. Jonas LOUISAIRE

Si vèsè sa a te yon benediksyon pou ou, pataje temwayaj la

Voye yon SMS Tel. : 5093-8159746

Boîte Postale 11060, Carrefour, Haïti (W.I.)

www.motivationbiblique.blogspot.com

 

Verset du mois de juin 2011

« Ne vous y trompez pas: on ne se moque pas de Dieu. Ce qu’un homme aura semé, il le moissonnera aussi. » (Galates 6:7) Bible Louis Segond

   ...........................................................................................................................

« Pa twonpe tèt nou. Moun pa ka pase Bondye nan betiz. Sa yon moun simen, se sa li va rekòlte. »  (Galat 6:7) Bible Société Biblique Haïtienne

   ............................................................................................................................

Ki semans nou ka simen ?

          Se BONDYE  ki kreye  moun, tè a, syèl  la, lanati , linivè, ak tout sa ki ladan yo. Menm BONDYE sa a bay prensip pou yo byen fonksyone epi bay bon  jan rezilta. Moun pa ka  vyole  prensip (oubyen lwa) sa yo epi panse pa gen okenn konsekans.

          Yonn nan prensip BONDYE  etabli  se “Semans-Rekòt”. “Sa yon moun simen, se sa li va rekòlte”(Galat 6:7). Men, kisa yon moun ka simen?

          Yon moun ka simen: 1) Pawòl BONDYE  a ki se bòn nouvèl Wayòm nan. Kòm rezilta : moun ap  jwenn salu, konsolasyon ak  libète pou nanm yo. Y’ap rekonsilye ak BONDYE. 2) Lajwa. Rezilta: lasante (Prov 17:22;15:13); tristès, amètim. Rezilta : twoub, kontaminasyon (maladi), dezolasyon (Ebre 12:15b), lanmò (2 Kor 7:10).

3) Parès spirityèl , fizik  , entèlektyèl , etc., mòde-lage, iresponsabilite, endisiplin. Rezilta: povrete, echèk , esklavaj, fristrasyon (Pwov 6:10-11); dilijans, disiplin. Rezilta: richès, satisfaksyon (Pwov 10:4; 12:11, 24, 27).

4) Ou ka simen lafwa oubyen enkredilite; obeyisans oubyen rebelyon; jistis oubyen enjistis ak  pati-pri; imilite oubyen ògèy; konesans oubyen inyorans; sajès  oubyen foli; tan, don ak talan w; resous ou genyen; pasyans ouben kòlè; rekonsilyasyon oubyen divizyon; lapè oubyen lagè; etc. (Li:Ebre 3:19; 4:6; Oze 8:7; Job 4:8)

          Se nou ki pou chwazi ki semans n’ap simen. E sa mande disiplin ak matirite, pa vre?

Chant du mois: # 30 français La Voix du Réveil (Le jour de la moisson viendra)

2011: Ane Pou Nou Disipline Tèt Nou.

J. Jonas LOUISAIRE

Si vèsè sa a te yon benediksyon pou ou, pataje temwayaj la

Voye yon SMS Tel. : 5093-8159746

Boîte Postale 11060, Carrefour, Haïti (W.I.)

www.motivationbiblique.blogspot.com