Verset du mois de juillet 2013

« S'il est possible, autant que cela dépend de vous, soyez en paix avec tous les hommes. »  

(Romains 12 :18) Bible Louis segond

…………………………………………………………………… 

« Fè tou sa nou kapab pou nou viv byen ak tout moun mezi nou wè nou ka fè li. »  

(Women 12 :18) Bible Société Biblique H.

……………………………………………………………………

Ki jefò w fè pou w viv an pè avèk moun parèy ou ?

       Ou se manm yon gwoup, yon koral  oswa yon asanble ? W ap viv nan yon katye, yon kominote , yon vil, yon rejyon kèlkonk  nan yon peyi oswa sou planèt tè a ? Koute byen yon konsèy BONDYE ban nou pou ede nou viv  byen youn ak lòt : « Fè tou sa nou kapab pou nou viv byen ak tout moun mezi nou wè nou ka fè li. » (Women 12 :18) 

        Premye moun ou bezwen an pè avè l, se BONDYE. Rekonèt li kòm Kreyatè w, BONDYE w ; sèvi l, fè louwanj pou li, adore li pou sa li ye ak sa li fè. (Women 3:23 ; Ak 17: 30 ; 2 Korentyen 5:20b ; 1 Tim 2 :5 ; Sòm 150 :6).

       Dezyèm moun nou bezwen an pè avè l, se nou menm menm. Nou dwe renmen tèt nou, trete tèt nou byen, padone tèt nou. (Efezyen 5 :29 ; Sòm 139 :14 ; 1 Jan 1 :9).

       Twazyèn moun nou bezwen an pè avè l, se pwochen nou. Nan parabòl bon Samariten an (Lik 10 :37), JEZI di pwochen nou se “tout moun n’ap viv avè l oubyen nou ka rankontre”. (Matye 7 :12 ; Lik 6 :31-33 ; Kolosyen 3 :13 ; 1 Pyè 2:12). Eske w fè tout sa w kapab pou viv byen ak tout moun ?

Chant du mois: # 114 français Mélodies Joyeuses (Je voudrais, Jésus, être comme Toi)

2013: Ane Pou Nou Kenbe Lespri Nou An Pè.

J. Jonas LOUISAIRE

Motivateur

.........................................................

Si vèsè sa a te yon benediksyon pou ou,

pataje temwayaj la

Voye yon SMS Tel. : 5093-8159746

Boîte Postale 11060, Carrefour, Haïti (W.I.)

                                 www.motivationbiblique.blogspot.com

Verset du mlois de mai 2013

« Garde ton cœur plus que toute autre chose, Car de lui viennent les sources de la vie.»    

                         (Proverbes 4:23) Bible Louis segond

……………………………………………………………….............

« Pase tout lòt bagay, veye byen lide k’ap travay nan tèt ou, paske se yo k’ap di ou ki jan pou ou viv.» 

                (Pwovèb 4:23) Bible Société Biblique Haïtienne

………………………………………………………………...….........

Èske w kontwole sa k’ap antre nan lespri w ?

       30 minit anvan w al dòmi, 30 minit apre w fin leve nan maten, sa w fè ? Sa w koute ? Sa w gade ? Ki pawòl ou pale ? Sa w li ? Ki sa w kite ranpli, satire epi domine lespri w ? (Matye 12 :34) Sikològ yo rekonèt peryòd tan sa yo enpòtan anpil anpil. Poukisa ? Paske nan moman sa yo, lespri nou trè reseptif epi trè dosil. Se peryòd nou ta dwe itilize pou pwograme lespri nou.

        

        Nan pwovèb 4 :23, BONDYE di nou : “Pase tout lòt bagay, veye byen lide k’ap travay nan tèt ou, paske se yo k’ap di ou ki jan pou ou viv.” E nan Mak 1 :35, JEZI ban nou yon egzanp pou nou suiv : Li leve byen bonè epi pase tan nan lapriyè.

       

       30 minit anvan nou dòmi, 30 minit lè nou fin leve nan maten, se pa moman pou nou tchat, ale sou facebook , fè nouvèl, koute oubyen pale pawòl ki pou twouble lespri nou. Itilize moman sa yo de preferans pou w li, koute oubyen fè yon bagay ki pozitif : priye, li Labib…Paske se youn nan sekrè pou nou ranmase fòs pou nou ka fè fas ak  tou sa k’ap vin sou chimen nou epi pote viktwa sou yo.

Chant du mois: #73 créole Chants d'Esprérance (Kè nou pa bezwen twouble plis)

2013: Ane Pou Nou Kenbe Lespri Nou An Pè.

J. Jonas LOUISAIRE

Motivateur

.........................................................

Si vèsè sa a te yon benediksyon pou ou,

pataje temwayaj la

Voye yon SMS Tel. : 5093-8159746

Boîte Postale 11060, Carrefour, Haïti (W.I.)

www.motivationbiblique.blogspot.com

Verset des mois de jan. & fév. 2013

« Que tout ce qui est vrai, tout ce qui est honorable, tout ce qui est juste, tout ce qui est pur, tout ce qui est aimable, tout ce qui mérite l'approbation, ce qui est vertueux et digne de louange, soit l'objet de vos pensées.»

(Philippiens 4 :8) Bible Louis segond

.................................................................................................

 « Mete lide nou sou bagay ki bon, ki merite lwanj: bagay ki vre, ki kòrèk, ki dwat, ki bèl, ki p'ap fè nou wont.»

(Filipyen 4 :8) Bible Société Biblique Haïtienne

..................................................................................................

Sou kisa nou mete lide nou?

       Depi anviwon twa zan, nou pwopoze yon tèm pou chak ane. E pou ane 2013 la, tèm nan se “Ane pou kenbe lespri nou an pè”. Men, youn nan sa ki te atire atansyon nou se reyaksyon yon zanmi lè li te tande tèm sa a. Men kesyon li poze : “Eske sa posib nan mond n’ap viv la ?”

       Wi li posib, paske BONDYE di nou sa : “Pa kite anyen toumante tèt nou”(Jan 14 :1, 27; Matye 6 :25-29) ; “Pa bay kò nou traka pou anyen” (Filipyen 4 :6) ; “Se pou nou kenbe tèt nou anplas …pou n ka lapriyè”(1 Pyè 4 :7). Si BONDYE di nou pou nou kenbe lespri nou an pè, se paske li konnen LI POSIB. Ke tout lide ki vle fè n’ kwè lekontrè koube epi obeyi  sa  BONDYE di (2 Kor 10 :5).

       Pou nou rive fè sa, nou dwe “Mete lide nou sou bagay ki bon, ki merite lwanj: bagay ki vre, ki kòrèk, ki dwat, ki bèl, ki p'ap fè nou wont.”Paske sa nou kite domine epi satire lespri nou jodi a, se li nou pral repwodui demen (Matye 14 :34).

Chant du mois: #141  français Chants d'Esprérance (A JESUS je m'abandonne)

2013: Ane Pou Nou Kenbe Lespri Nou An Pè.

J. Jonas LOUISAIRE

Motivateur

.........................................................

Si vèsè sa a te yon benediksyon pou ou, 

pataje temwayaj la

Voye yon SMS Tel. : 5093-8159746

Boîte Postale 11060, Carrefour, Haïti (W.I.)

www.motivationbiblique.blogspot.com