Verset du mois de juin 2010

« Dieu n’est pas un homme pour mentir, Ni fils d’un homme pour se repentir. Ce qu’il a dit, ne le fera-t-il pas? Ce qu’il a déclaré, ne l’exécutera-t-il pas. »

  (Nombres 23:19) Bible Louis Segond  

 ......................................................................................................

« Bondye pa tankou moun k’ap bay manti. Non! Li pa tankou moun k’ap chanje lide yo pou ti krik ti krak. Depi li pwomèt yon bagay, l’ap fè l. Depi li pale, fòk sa li di a rive! »

                  (Nonb 23:19) Bible Société Biblique Haïtienne

   

Lè BONDYE  fè  w  yon pwomès, èske  w kwè  epi sezi pwomès sa a pa mwayen lafwa ? Si w pa kwè sa BONDYE di, kilès ou kwè? Ou kwè w ta bliye verite sa a: “Pawòl  BONDYE  a  aji (efikas, fè mirak ) pou moun ki kwè (1 Tesalonisyen 2:13)”?

        Pawòl BONDYE se verite.(2 Samyèl 22:31; Jan 17:17). Sa w dwe fè, se aksepte nenpòt sa BONDYE  di (nan pawòl li). BONDYE di li pa konn bay manti; li toujou kenbe pwomès li. Poukisa w kontinye ap mande si se vre? Poukisa w ap doute? Paske sitiyasyon pa w la difisil ? Pa gen anyen ki enposib pou BONDYE (Matye19:26 ; Mak  10:27).

        Pa bliye li vèsè sa yo: Jeremi 1:12; Women 4:21; Travay[Actes] 27:25; Ezayi 59:1-21; 2 Timote 2:13; Jan 11:40.       

Chant du mois : # 10 Haïti Chante avec Radio Lumière (Mouin p’ap kite ou ni bliye ou)

JonasLOUISAIRE

Motivateur

Verset du mois de mai 2010

« Ne vous inquiétez pas pour votre vie de ce que vous mangerez, ni pour votre corps, de quoi vous serez vêtus. La vie n’est-elle pas plus que la nourriture, et le corps plus que le vêtement?...Qui de vous, par ses inquiétudes, peut ajouter une coudée à la durée de sa vie? » 

                     (Matthieu 6:25, 27) Bible Louis Segond

........................................................................................................

« Pa bat kò nou pou sa nou bezwen pou manje ak bwè pou viv, ni pou rad nou bezwen pou mete sou kò nou. Èske lavi a pa pi konsekan pase manje? Èske kò a pa gen plis valè pase rad? ...Kilès nan nou, afòs li fè tèt li travay, kapab mete kèk lanne an plis sou lavi l’? »

              (Matye 6:25, 27) Bible Société Biblique Haïtienne

       Èske nou bay bagay ki gen plis valè plis enpòtans ? Anvan w kouri reponn, fè yon ti reflechi. Repons lan se pou ou; ou mèt sensè ak tèt ou.

       Nan jan n’ap viv, nan pwojè nou yo, nan plan nou yo, kisa nou bay priyorite? Bagay ki la pou tout tan oubyen bagay ki la pou yon ti bout tan?

       BONDYE di nou: Pa bat kò nou pou sa nou bezwen pou manje, sa nou bezwen pou bwè, rad nou bezwen pou mete. Ki moun ki bat kò yo pou bagay sa yo? Se moun ki pa konnen BONDYE – payen yo. Poukisa? Paske:

1⁰) Yo pa konnen pwomès BONDYE yo. BONDYE

se bèje nou, Jewova Jire: Plis ke ase. 2⁰) Yo pa ka fè pwomès BONDYE yo konfyans. Depi nou kwè, pwomès BONDYE yo ap reyalize nan lavi nou. 3⁰) Yo pa aplike prensip (pawòl, kòmandman) BONDYE yo. BONDYE mande nou pou nou viv jan li vle l’ la anvan. Tout lòt bagay yo (manje, rad…) ap vini aprè.  Si Bondye pa t’ refize nou pwòp pitit li a (JEZI), kisa l’ap refize ban nou lè nou aksepte viv tout bon vre daprè pawòl li a? 4⁰) Yo pa gen pasyans; yo vle tout bagay fèt byen vit.  

       Pou nou viv daprè pawòl BONDYE a ki di nou

« Pa enkyete, pa bat kò nou pou anyen », sonje sa fwi LESPRI BONDYE a bay: kè kontan, kè poze, pasyans, etc. (Galat 5:22) Lè nou gen pasyans, n’ap sispann viv tankou moun ki toujou ap kouri, ki toujou ap jere kriz ak ijans. Se pou nou reflechi pito sou tan ki p’ap janm fini an epi poze  tèt nou kesyon sa yo: Èske nanm mwen an sante? Èske mwen  gen tan pou pran swen kò mwen, lespri mwen, nanm mwen, travay MÈT la?

Chant du mois : # 133 CE (Sois sans alarme, sans frayeur / Dieu prendra soin de toi)

JonasLOUISAIRE

Motivateur

Verset du mois de janvier 2010

« Ne vous inquiétez de rien; mais en toute chose faite connaître vos besoins à Dieu par des prières et des supplications, avec des actions de grâces. »

                      (Philippiens 4:6) Bible Louis Segond

«Pa bay kò nou traka pou anyen. Men, nan tout sikonstans mande Bondye tou sa nou bezwen nan lapriyè. Toujou chonje di l’ mèsi tou lè n’ap lapriyè. »

                        (Filipyen 4:6) Bible Société Biblique H

Tou sa ki nan Pawòl BONDYE a se verite (Sòm 119: 160 ; Jan 17:17) ; epi tou , Pawòl BONDYE a pa manke anyen (Pwovèb 30:6 ) . Kidonk , nou pa gen ni pou n’ wete ni pou n’ mete.

Malgre nou konnen sa byen klè, pafwa nou konn oze mete pawòl BONDYE a an kesyon. Nou panse nou gen dwa pou n’ kite lespri n’ boulvèse e nou vle defann dwa sa a. Men, Pawòl Bondye a di nou pa bay kò nou traka pou anyen. Wi, pou anyen. Poukisa?

Paske:1).Enkyetid p’ap rezoud okenn pwoblèm (Matye 6:27); 2). Pa gen anyen ki gaspiye enèji nou plis pase enkyetid (lè lespri n’ pa anpè); 3).Pou n’ pote viktwa sou enkyetid, lapèrèz, dout, nou dwe poze aksyon (Li Jak 2:14-26). Pawòl la di nou: priye, mande BONDYE tout sa nou bezwen, di Li mèsi. (Pa bliye:si lespri w boulvèse, ou p’ap ka priye [ak lafwa] 1 Pyè 4:7).

Pou ane 2010 sa a e pou rès lavi w, kisa w t’ap fè si w pa t’ ni enkyete ni gen lapèrèz ni doute? ki pwojè w t’ap genyen oswa lanse? Ki travay ou t’ap fè pou BONDYE ? Ki rèv ou t’ap genyen? Èske ou t’ap priye ak asirans, lafwa, otorite? Ki etid ou t’ap fè? Ki liv ou t’ap li? Ki liv ou t’ap ekri? Ki moun ou t’ap ede? Ki kote w t’ap prale? Ki objektif, ki plan, ou t’ap genyen pou ane 2010 la ?