Verset du mois de décembre 2013

« Il viendra un temps où les hommes ne supporteront pas la saine doctrine ; mais, ayant la démangeaison d'entendre des choses agréables, ils se donneront une foule de docteurs selon leurs propres désirs, détourneront l'oreille de la vérité, et se tourneront vers les fables.»

(2 Timothée 4 :3-4) Bible Louis segond

…………………………………………………………………….........

« Yon lè, ou gen pou ou wè moun p'ap vle kite yo moutre yo verite a ankò, y'ap vle pou yo swiv lide pa yo. Lè sa a, y'a reyini yon bann direktè met bò kote yo ki va di yo sa yo ta renmen tande. Yo p'ap vle tande verite a, y'a pito koute istwa ki pa vre.»             

(2 Timote 4 :3-4) Bible Société Biblique Haitienne.

…………………………………………………………………….........

Èske w pran plezi nan li epi koute Pawòl BONDYE ?

       Ki pawòl ou renmen tande ? Sa ki verite ? Sa k’ap bon pou ou oswa sa ki fè w plezi  ? Pawòl BONDYE a di nou “tout sa ki ekri nan Bib la sòti nan Lespri BONDYE ; tout itil” (2 Tim 3 :16). Men nan dènye tan an, gen moun k’ap kite Levanjil Kris la pou y’al anseye oswa suiv ansèyman ki chita sou manti ak espwa fo mamit. Paske yo pè soufri, y’ap bliye si Pawòl Bondye a se medikaman pou nanm; li ka gou oswa anmè nan bouch, men l’ap geri nou (2 Tim 4 :3-5 ; 2 Pyè 2 :1-3).

       BONDYE ba lèzòm yon sèl moun pou rekonsilye yo avèk Li : JEZIKRI (Ak 4 :11-12 ; Jan 14 :6). Pou nou rete fèm nan Levanjil KRIS la  jiskaske Li retounen, veye pou nou pa ni suiv, ni anseye, ni pwopaje ansèyman ki kontrè ak sa JEZI te kite pou nou (Matye 10 :22).

Chant du mois: # 85 français Chants d'Espérance (Redites-moi l'histoire)

Cliquez sur ce lien pour avoir accès à ce chant en ligne:  Redites-moi l'histoire

2013: Ane Pou Nou Kenbe Lespri Nou An Pè.

J. Jonas LOUISAIRE

Motivateur

.........................................................

Si vèsè sa a te yon benediksyon pou ou,

pataje temwayaj la

Voye yon SMS Tel. : (509) 38159746

Boîte Postale 11060, Carrefour, Haïti (W.I.)

                                 www.motivationbiblique.blogspot.com

Verset du mois de juillet 2013

« S'il est possible, autant que cela dépend de vous, soyez en paix avec tous les hommes. »  

(Romains 12 :18) Bible Louis segond

…………………………………………………………………… 

« Fè tou sa nou kapab pou nou viv byen ak tout moun mezi nou wè nou ka fè li. »  

(Women 12 :18) Bible Société Biblique H.

……………………………………………………………………

Ki jefò w fè pou w viv an pè avèk moun parèy ou ?

       Ou se manm yon gwoup, yon koral  oswa yon asanble ? W ap viv nan yon katye, yon kominote , yon vil, yon rejyon kèlkonk  nan yon peyi oswa sou planèt tè a ? Koute byen yon konsèy BONDYE ban nou pou ede nou viv  byen youn ak lòt : « Fè tou sa nou kapab pou nou viv byen ak tout moun mezi nou wè nou ka fè li. » (Women 12 :18) 

        Premye moun ou bezwen an pè avè l, se BONDYE. Rekonèt li kòm Kreyatè w, BONDYE w ; sèvi l, fè louwanj pou li, adore li pou sa li ye ak sa li fè. (Women 3:23 ; Ak 17: 30 ; 2 Korentyen 5:20b ; 1 Tim 2 :5 ; Sòm 150 :6).

       Dezyèm moun nou bezwen an pè avè l, se nou menm menm. Nou dwe renmen tèt nou, trete tèt nou byen, padone tèt nou. (Efezyen 5 :29 ; Sòm 139 :14 ; 1 Jan 1 :9).

       Twazyèn moun nou bezwen an pè avè l, se pwochen nou. Nan parabòl bon Samariten an (Lik 10 :37), JEZI di pwochen nou se “tout moun n’ap viv avè l oubyen nou ka rankontre”. (Matye 7 :12 ; Lik 6 :31-33 ; Kolosyen 3 :13 ; 1 Pyè 2:12). Eske w fè tout sa w kapab pou viv byen ak tout moun ?

Chant du mois: # 114 français Mélodies Joyeuses (Je voudrais, Jésus, être comme Toi)

2013: Ane Pou Nou Kenbe Lespri Nou An Pè.

J. Jonas LOUISAIRE

Motivateur

.........................................................

Si vèsè sa a te yon benediksyon pou ou,

pataje temwayaj la

Voye yon SMS Tel. : 5093-8159746

Boîte Postale 11060, Carrefour, Haïti (W.I.)

                                 www.motivationbiblique.blogspot.com

Verset du mlois de mai 2013

« Garde ton cœur plus que toute autre chose, Car de lui viennent les sources de la vie.»    

                         (Proverbes 4:23) Bible Louis segond

……………………………………………………………….............

« Pase tout lòt bagay, veye byen lide k’ap travay nan tèt ou, paske se yo k’ap di ou ki jan pou ou viv.» 

                (Pwovèb 4:23) Bible Société Biblique Haïtienne

………………………………………………………………...….........

Èske w kontwole sa k’ap antre nan lespri w ?

       30 minit anvan w al dòmi, 30 minit apre w fin leve nan maten, sa w fè ? Sa w koute ? Sa w gade ? Ki pawòl ou pale ? Sa w li ? Ki sa w kite ranpli, satire epi domine lespri w ? (Matye 12 :34) Sikològ yo rekonèt peryòd tan sa yo enpòtan anpil anpil. Poukisa ? Paske nan moman sa yo, lespri nou trè reseptif epi trè dosil. Se peryòd nou ta dwe itilize pou pwograme lespri nou.

        

        Nan pwovèb 4 :23, BONDYE di nou : “Pase tout lòt bagay, veye byen lide k’ap travay nan tèt ou, paske se yo k’ap di ou ki jan pou ou viv.” E nan Mak 1 :35, JEZI ban nou yon egzanp pou nou suiv : Li leve byen bonè epi pase tan nan lapriyè.

       

       30 minit anvan nou dòmi, 30 minit lè nou fin leve nan maten, se pa moman pou nou tchat, ale sou facebook , fè nouvèl, koute oubyen pale pawòl ki pou twouble lespri nou. Itilize moman sa yo de preferans pou w li, koute oubyen fè yon bagay ki pozitif : priye, li Labib…Paske se youn nan sekrè pou nou ranmase fòs pou nou ka fè fas ak  tou sa k’ap vin sou chimen nou epi pote viktwa sou yo.

Chant du mois: #73 créole Chants d'Esprérance (Kè nou pa bezwen twouble plis)

2013: Ane Pou Nou Kenbe Lespri Nou An Pè.

J. Jonas LOUISAIRE

Motivateur

.........................................................

Si vèsè sa a te yon benediksyon pou ou,

pataje temwayaj la

Voye yon SMS Tel. : 5093-8159746

Boîte Postale 11060, Carrefour, Haïti (W.I.)

www.motivationbiblique.blogspot.com